Kongresmeni amerikan, Ritchie Torres, ka deklaruar se mezi pres ta takojë kryeministrin Albin Kurti, në vizitën kur ky i fundit do të shkojë në Shtetet e Bashkuara të Amerikës.
Torres tha se nuk kanë aleatmë të madh se Kosova në Evropën Juglindore.
“Kryeministri dhe unë pajtohemi se është më e rëndësishme se kurrë të sigurohemi që ShBA-të ta mbështesin Kosovën. Pas pushtimi rus të Ukrainës, ne duhet të mbështesim plotësisht aleatët tanë. Nuk kemi aleat më të madh në Evropën Juglindore se Kosova”, u shpreh ai.
“Kryeministri tregoi se ai do të vijë në Uashington në muajt në vijim dhe mezi pres ta përshëndes dhe të vazhdojmë me diskutimet tona”, shtoi kongresmeni.
“Unë do të jem aq i dobishëm sa mundem. Kryeministri mund të më konsideroj aleat. Populli i Kosovës mund të më konsideroj aleat. Mezi pres ta përshëndes dhe ta prezantojë me anëtarët, kur të vijë në Kongresin e Shteteve të Bashkuara”, deklaroi Torres në Kanal 10.