2.8 C
Prizren
E hënë, 30 Janar, 2023

Krijohet shtëpia më e madhe botuese në botë

Shtepia botueseSipërmarrjet e medieve Bertelsmann dhe Pearson, kanë vendosur themelimin e shtëpisë më të madhe botuese në botë. Koncerni gjerman i medieve Bertelsmann do të ketë 53 për qind të aksioneve të Penguin Random House, rivali britanik Pearson pjesën tjetër prej 47 për qind, bënë të ditur dy sipërmarrjet pas nënshkrimit të kontratave të furnizimit. Të gjitha lejet nga autoritetet janë siguruar, bënë të ditur sipërmarrjet.

Së bashku Bertelsmann dhe Pearson në të ardhmen duan të investojnë në tregje me rritje të shpejtë si Kina, India apo Brazili dhe në biznese të reja. Bashkimi në të një njëjtën kohë u jep të dy koncerneve të medieve më shumë forcë kundërpërgjigjëse, kundrejt konkurrentëve si Amazon, Apple dhe Google, të cilët me ofertat e tyre në internet, ua kanë vështirësuar jetën tregtuesve tradicionalë të librit. “Së bashku do të investojmë në vëllim shumë më të madh”, tha shefi i Bertelsmann, Thomas Rabe., transmeton DW.

Tri milionë euro xhiro
Shtëpia e re botuese punëson më shumë se 10.000 punonjës dhe ka një xhiro vjetore prej rreth tri milionë eurosh. Shefi i Penguin Random House do të jetë Markus Dohle, i cili që prej 2008 drejton kompaninë bijë të Bertelsmann, Randon House. Selia e Penguin Random House është Nju Jorku. Aty drejtohen së bashku aktivitetet e Random House dhe Penguin në SHBA, Kanada, Britani të Madhe, Australi, Zelandë të Re, Indi dhe Afrikën e Jugut, shpërndarësve të Penguin në Kinë dhe shtëpive botuese të Random House në Spanjë dhe Amerikën Latine. M.q.s. koncerni i ri i librit realizon një pjesë të madhe të biznesit të tij me publikimi në anglisht dhe spanjisht, grupi botues Random House me botime në gjuhë gjermane dhe seli në Mynih, do të mbetet më vete dhe pjesë e grupit Bertelsmann.

Më Shumë

Ismail Kadare, pasdite

Ben Blushi Duke i uruar Ismail Kadaresë ditëlindjen, po botoj bisedën që kam bërë me të si pjesë e librit tim “41 Sekrete". Alda Bardhyli, Ismail...

97 vjet nga lindja e kompozitorit dhe muzikantit Tish Daija

Më 30 janar 1926 ka lindur kompozitori dhe muzikanti shqiptar Tish Daija. Lindi në Shkodër nga një familje artizanësh. Ende pa hyrë në shkollë bëhet...

Lajmet e Fundit