17.8 C
Prizren
E premte, 24 Maj, 2024

Kuçi: PDK i do zgjedhjet në qershor

Kuci-hajredin5-30Partia Demokratike insiston që zgjedhjet të mbahen në qershor. Kështu ka thënë për Gazetën Blic, zëvendëskryeministri i Kosovës, Hajredin Kuçi. Megjithatë, sipas tij java që vjen është vendimtare qoftë për kohën e mbajtjes së zgjedhjeve, qoftë për shpërbërjen e Kuvendit, qoftë për kohën e mbajtjes së zgjedhjeve.

“Javën që vjen vendoset (për zgjedhjet). PDK është që zgjedhjet të mbahen këtë gjysmë vit”, ka thënë Kuçi.

Ndërkaq, i pyetur se a do të ketë kompromis me pakicat për kalimin e projektligjit për Forcat e Armatosura, Kuçi ka thënë se duhet të ketë qasje konsensuale nga të gjithë. “Duhet të kemi qasje konsensuale të gjithë për këtë çështje dhe pa vendosur kushte”, i tha Kuçi Gazetës Blic.

Ndërkohë gjatë ditës mediet kanë raportuar se të hënën (nesër) vendoset për FAK-un, por zëvendëskryeministri Kuçi e ka mohuar një gjë të tillë. “Nuk besoj se nesër vendoset ngase kryeministri është jashtë vendit”, tha i dyti i ekzekutivit.

Në anën tjetër, minoritetet kanë paralajmëruar se nuk do ta votojnë shndërrimin e FSK-së në FAK, nëse nuk u votohet kërkesa e tyre që t’u vazhdohen vendet e rezervuara edhe për dy mandate.

Mirëpo, partia më e madhe opozitare, LDK-ja e Isa Mustafës dhe Vetëvendosje e Albin Kurtit tashmë janë shprehur publikisht kundër vendeve të rezervuara.

Megjithatë, për të kaluar FAK nevojiten votat e 2/3 e të gjithë deputetëve dhe votat e 2/3 e deputetëve minoritarë.

Më Shumë

Gjimshiti, shqiptari i parë që e ngrit trofeun e Europa League

Berat Gjimshiti është bërë shqiptari i parë që e ka ngritur në qiell trofeun e Europa League sonte. Atalanta, kapiten i së cilës është Gjimshiti...

Prokuroria Themelore në Prizren ka ngritur 16 aktakuza kundër 19 personave për vepra penale të ndryshme

Prokuroria Themelore në Prizren ka ndaluar për 48 orë dy persona të dyshuar, në dy raste të ndara, për shkak të dyshimit se njëri...

Lajmet e Fundit