1.8 C
Prizren
E martë, 31 Janar, 2023

Kurti: I bëra katër propozime në takimin me Vuçiqin, njëri ndër ta Këshilli Nacional për serbët

Kryeministri i Kosovës, Albin Kurti, ka treguar se në takimin në Bruksel me delegacionin nga Serbia dhe përfaqësuesit e lartë të BE-së, i ka bërë katër propozime, njëri ndër ta Këshilli Nacional për serbët.

Kurti përmes rrjetit social Facebook, tutje tha se takimi i radhës do të mbahet para pushimit të verës që nis me 25 korrik.

“Në Bruksel, bashkë me zëvendësin tim Besnik Bislimi, e nën ndërmjetësimin e Përfaqësuesit të Lartë të BE-së për Politikë të Jashtme dhe Siguri, z. Borrell dhe emisarit të tij z. Lajçak, sot u takuam me delegacionin nga Serbia të përbërë nga z. Vuçiq dhe z. Selakoviq.

Treguam qëndrimin tonë kritik për procesin dhe marrëveshjet e deritanishme. Shprehëm gatishmërinë tonë për dialog konstruktiv për njohje të ndërsjelltë. Takimi i radhës do të mbahet para pushimit të verës që nis me 25 korrik.

Nuk u pajtuam për agjendën e dialogut të ardhshëm. Unë bëra katër propozime në këtë takim:

Gjashtë shtetet e Ballkanit Perëndimor e avansojnë CEFTA-n në SEFTA (South-East European Free Trade Agreement) sipas modelit të EFTA-EEA, pra marrëveshje çfarë Lihtenshtajni, Norvegjia dhe Islanda kanë me BE-në.

Kosova dhe Serbia menjëherë nënshkruajnë një marrëveshje të përbashkët të paqes duke u zotuar se nuk do ta sulmojnë njëra-tjetrën. Kjo është e rëndësishme tani si asnjëherë më parë, një ditë pas Samitit të NATO-s në Bruksel dhe porosive unanime që u dhanë aty.

Pas njohjes së ndërsjelltë midis Republikës së Kosovës dhe Republikës së Serbisë, në të dy vendet tona do të kemi reciprocitet bilateral, përfshirë çështjen e pakicave këtu. Pra, serbët në Kosovë mund të kenë Këshillin e tyre Nacional siç e kanë shqiptarët dhe boshnjakët në Serbi.

Për çështjen e të pagjeturve, të të zhdukurve me dhunë, duhet larguar nga pozita që ka dhe duhet marrë në pyetje kreun e delegacionit serb, z. Veljko Odaloviq, i cili në vitet 1997-1999, ishte “naçelnik i qarkut të Kosovës”, dhe udhëhiqte me Kosovën e okupuar bashkë me z. Zoran Angjelkoviq.

Për propozimin tim të parë nuk u përgjigjën, ndërkaq tri propozimet e tjera i refuzuan. Shpresoj që kur të kthehen në Beograd, z. Vuçiq dhe z. Selakoviq, të mendojnë më shumë dhe ta konsiderojnë seriozisht pranimin e këtyre propozimeve”, ka shkruar Kurti.

May be an image of 2 people, people sitting, table and indoor

 

 

Më Shumë

Abrashi: Escobar i ka premtuar Bërnabiqit se do ta detyrojë Kosovën ta diskutojë Asociacionin

Deputeti i Lëvizjes Vetëvendosje, Artan Abrashi, ka thënë se takimi i datës 31 janar në Ambasadën Amerikane në Prishtinë ku do të diskutohet për...

Qeveria ndan 50 euro shtesë për punëtorët e sektorit publik për muajin janar

Qeveria e Kosovës ka ndarë nga 50 euro shtesë për të gjithë punëtorët e sektorit publik. Ministri i Financave, Hekuran Murati, në mbledhjen e qeverisë...

Lajmet e Fundit