Kryetari i Nismës për Kosovën, Fatmir Limaj, ka kërkuar nga drejtorët e Ekzekutivit të Malishevës,që drejtohet nga Ragip Begaj, për qytetarët të punojnë 24 orë.
“S’ka orar të punës për zyrtarët shtetëror. Kush lodhet, vjen tjetri që don me punu”, ka thënë Limaj në takimin përmbyllës të Nismës në Malishevë.
Ai ka thënë se Malishevë është shembull se si duhet të qeveriset vendi.
“ Organizatat e huaja e kanë vlerësuar punën në Malishevë”, tha Limaj, shkruan PrizrenPress.
Sipas tij, pavarësisht bindjeve politike, Komuna e Malishevës, nuk ka fshat që nuk ka investuar.
Ndërkaq, kryetari i Malishevës, Ragip Begaj ka numëruar të arriturat që ka shënuar gjatë vitit 2017-të. Ai premtoi se nuk do të ndalet së punuari për qytetarët e Malishevës. /PrizrenPress.com/