Eros Ramazzotti ka vendosur të martohet me Marica Pellegrinelli dhe i kanë thënë po njëri-tjetrit në praninë e dy dëshmitarëve në Pallatin Mbretëror në Milano.
“Në sallë ishin vetëm 4 persona, çifti dhe 2 dëshmitarë. Nuk kishte asnjë të ftuar. Eros kishte veshur një kostum të zi ndërsa Marica mbante veshur një kostum të bardhë.
Ceremonia nuk zgjati më shumë se 10 minuta. Në sallë nuk kishte edhe një fotograf për të shkrepur fotot zyrtare. Çifti i ka bërë fotot nëpërmjet një celulari. Nusja nuk mbante në duar as buqetën me lule. Kjo ka ndodhur e gjitha në një privatësi totale”, thotë një punonjës i Pallatit Mbretëror.