31.8 C
Prizren
E martë, 28 Qershor, 2022

Mbahet tryeza e pestë me radhë “Drejtësia në zgjedhjet parlamentare 2014”

Drejtësia në zgjedhjet parlamentare 2014-ferizajInstituti i Kosovës për Drejtësi (IKD) në bashkëpunim me Prokurorin e Shtetit dhe OJQ INPO, kanë organizuar të hënën në Ferizaj tryezën e pestë me radhë “Drejtësia në zgjedhjet parlamentare 2014”, me pjesëmarrjen e të gjithë akterëve të institucioneve të drejtësisë të nivelit qendror dhe lokal, me kandidatët e partive politike, shoqërinë civile dhe mediat.
Betim Musliu nga IKD, tha se qëllimi i kësaj tryeze ishte ngritja e debatit dhe sensibilizimi i të gjithë akterëve, partive politike dhe opinionit të gjerë rreth gatishmërisë së institucioneve të drejtësisë për të luftuar çdo veprim në drejtim të manipulimit të votave në zgjedhjet parlamentare 2014.

Koordinatorja Nacionale për zgjedhje nga Prokurori i Shtetit, Laura Pula, tha se Prokurori i Shtetit është shumë proaktiv, pasi ka nënshkruar memorandum bashkëpunimi dhe ka krijuar PSV. Ajo theksoi se parimi kryesor që del nga PSV-të është arrestimi dhe ndalimi i të gjithë personave të cilët në një apo mënyrë tjetër do të veprojnë kundër të drejtave të votimit. Pula tha se janë caktuar mbi 100 prokuror dhe mbi 300 punonjës staf mbështetës në të gjithë territorin e Kosovës që së bashku me Hetues nga Policia e Kosovës do të kooperojnë për të luftuar çdo lloj veprimtarie që biesh ndesh me veprat penale kundër të drejtave të votimit. Ajo ka inkurajuar të gjithë qytetarët, partitë politike dhe shoqërinë civile që të raportojnë rastet e keqpërdorimeve në polici dhe prokurori, pasi siç tha ajo, institucionet e drejtësisë do të jenë kujdestar gjatë gjithë procesit zgjedhor për të garantuar se do të ndiqen penalisht të gjithë ata që tentojnë të manipulojnë me votën e qytetarëve.

Kryeprokurori i Prokurorisë Themelore në Ferizaj, Agron Qalaj, tha se kjo prokurori për zgjedhjet parlamentare do të ketë prokuror kujdestar, staf mbështetës dhe bashkëpunim të ngushtë me Policinë e Kosovës në çdo vend që përfshin Rajonin që mbulon Prokuroria Themelore e Ferizajit. “Të gjithë si asnjëherë deri tash do të jenë afër të gjitha zhvillimeve të procesit zgjedhor, për të reaguar me urgjencë në secilin rast që mund të paraqitet”. Ai tha se prokurorët do të punojnë ngushtë me policinë për të vepruar ndaj të gjithë keqpërdoruesve, në përputhje PSV-të që burojnë nga dispozitat ligjore, përmes të cilave do të sigurohet efikasitet i shtuar i policisë dhe prokurorëve.

Zv/drejtori i Përgjithshëm i Policisë së Kosovës, Naim Rexha tha se të gjithë duhet ta dinë se policia në bashkëpunim me prokurorët do të veprojnë me urgjencë për t’iu përgjigjur në mënyrë adekuate secilit keqpërdorim të zgjedhjeve. “Tashmë po besoj se partitë politike por edhe opinioni publik e ka kuptuar se nuk do të ketë pardon për askënd, duhet ta dinë të gjithë se veprimet do të jenë urgjente në përputhje me ligjin për të luftuar çdo manipulim me votat”. Rexha, tha se organet policore si gjithmonë edhe këtë herë kanë bërë përgatitjet e nevojshme për të siguruar procesin zgjedhor. “Policia e Kosovës edhe këtë herë ka analizuar përvojat e zgjedhjeve të kaluara dhe ka përgatitur planet e veprimit, të cilat do të mundësojnë një bashkëpunim të ngushtë me prokurorët, me të cilët si asnjëherë më parë do të sigurohet një zbatim efikas i PSV-ve”.

Kryetari i Gjykatës Themelore të Ferizajt, Bashkim Hyseni, tha se kjo gjykatë ka qenë e para që ka shqiptuar dënime me burgim efektiv për personat e akuzuar për keqpërdorimin e votave në zgjedhjet e vitit 2010. “Gjykata jonë përmes gjykatësve ka dhënë një shembull për këto raste, të cilat i ka gjykuar në mënyrë meritore dhe të drejtë karrshi shkeljeve dhe keqpërdorimeve që kanë bërë individët për rastet e zgjedhjeve në të kaluarën. Në këtë mënyrë besoj se arrihet qëllimi i dënimit”. Ai tha se Kodi Penal i Kosovës i ka ashpërsuar dënimet për veprat penale kundër të drejtave të votimit, duke i kategorizuar ato si krime të rënda, në një kapitull të veçantë.

Xhemail Peçani nga Komisioni Qendror i Zgjedhjeve, tha se KQZ përkundër kohës së shkurtër për organizimin e këtyre zgjedhjeve ka arritur që të përmbush të gjitha detyrimet ligjore, duke bërë gati të gjitha përgatitjet e nevojshme për mbajtjen e zgjedhjeve me 8 qershor.

Mulë Desku nga Paneli Zgjedhor për Ankesa dhe Parashtresa, tha se ky institucion ka kapacitete për të përballuar fluksin e ankesave që mund të vijnë në lidhje me zgjedhjet parlamentare 2014.

Genc Nimoni nga Instituti i Kosovës për Drejtësi, tha se ky institut do të ketë 40 monitorues, të cilët do të monitorojnë aktivitetet e institucioneve të drejtësisë, përkatësisht Policisë dhe Prokurorisë për të parë reagimet e tyre në secilin rast ku ka informacione se po kryhet ndonjëra prej 11 veprave penale kundër të drejtave të votimit.

Pjesëmarrësit tjerë në tryezën e diskutimeve, që ishin përfaqësues nga partitë politike dhe kandidatë për deputetë në Kuvendin e Kosovës, drejtorët e shkollave njëherësh menaxherët e vendvotimeve, shoqëria civile dhe mediat ishte shumë aktiv për tu informuar me rolin e institucioneve të drejtësisë. Njëherësh ata ngritën disa shqetësime në lidhje me pastrimin e listës së votuesve, menaxherët e vendvotimeve, problemet e Rajonit të Ferizajt me thirrjet telefonike në numrin e Policisë së Kosovës 192, inicimin e rasteve edhe para ditës së votimit, çështjen e sigurisë në Qendrën për Numërim dhe Rezultate etj.

Ky aktivitet është pjesë e serisë së tryezave të diskutimit në qendrat kryesore të Kosovës, që zhvillohen në kuadër të projektit “Iniciativa për ngritje të efikasitetit të institucioneve të drejtësisë për zgjedhje të lira, të drejta dhe demokratike në Kosovë” që përkrahet nga Ambasada e Britanisë së Madhe në Prishtinë. Tryezat e radhës do të mbahen në Mitrovicë, Graçanicë dhe Prishtinë. /PrizrenPress.com/

Më Shumë

Sot nafta më shtrenjtë

Ministria e Industrisë, Ndërmarrësisë dhe Tregtisë ka caktuar çmimet tavan për shitjen e derivateve, për ditën e martë. Sipas vendimit, çmimi maksimal i lejuar i...

Nis zbatimi i marrëveshjes për hapjen tërësore të kufirit Kosovë – Shqipëri

Paradite në pikëkalimin kufitar të Morinit qytetarët që shkuan për Shqipëri nuk patën kontrolle nga policia kufitare, por pasdite situata nuk ishte e njëjtë....

Ngacmohet seksualisht një grua në Suharekë

Një person është arrestuar në Suharekë, pasi dyshohet se mbrëmë ka ngacmuar seksualisht një grua. Sipas policisë, me vendim të prokurorit, i dyshuari pas intervistimit...

13 vjet nga vdekja e Michael Jackson, ikonës së muzikës pop

Michael Joseph Jackson, lindi më 29 gusht 1958 në Gary, Indiana. Ai ishte muzikant, këngëtar, autor, producent, kompozitor, koreograf, prodhues, valltar amerikan. I pagëzuar si Mbreti...

Presidentja Osmani në Bruksel për takimin e liderëve të BE dhe Ballkanit Perëndimor, kërkon liberalizimin e vizave

Me ftesë të Presidentit të Këshillit Evropian, Charles Michel, Presidentja e Republikës së Kosovës, Vjosa Osmani, ka udhëtuar për në Bruksel, ku do ta...

IKD: ‘Gjykata Speciale’ është përcjell me parregullsi serioze

Instituti i Kosovës për Drejtësi (IKD), prezanton raportin me titull “Gjykimet Speciale”, i cili është rezultat i monitorimit të drejtpërdrejtë dhe sistematik që IKD...

Nis pagesa e 100 eurove edhe për pjesën e mbetur të sektorit privat

Ministri i Financave, Hekuran Murati, ka bërë të ditur se sot është procesuar pagesa prej 100 eurove për 14 mijë e 42 punëtorë të...

Prizreni merr pjesë në takimin e Rrjetit Ballkanit të Qyteteve “B40” në Stamboll

Përfaqësues të Komunës së Prizrenit ishin pjesë e takimit të dytë të Rrjetit Ballkanik të Qyteteve B40 në Stamboll, ku morën pjesë zyrtarë të...

Messi mbush sot 35 vjeç

Lionel Messi sot e feston ditëlindjen e 35-të të tij. Ylli argjentinas lindi më 24 qershor të vitit 1987 në Rosario të Argjentinës, për t’u...

Dy të rinj me origjinë nga Kosova arrestohen në Itali, dyshohet se planifikuan sulm terrorist

Një burrë dhe një grua me origjinë kosovare janë arrestuar me akuzën se janë trajnuar për të organizuar një sulm në Itali në emër të grupit xhihadist të Shtetit...

Ukraina merr statusin e kandidatit për anëtarësim në BE, Zelensky: Është një moment historik

  Ukrainës dhe Moldavisë u është pranuar statusi i kandidatit për anëtarësim në Bashkimin Evropian. Lidhur me këtë ka reaguar presidenti ukrainas, Volodymyr Zelensky, i cili...

Malisheva prezanton Hajdarin dhe Avdulin

Fiton Hajdari dhe Qlirim Avduli tashmë i përkasin Malishevës. Klubi nga qyteti me të njëjtin emër ka prezantuar futbollistët në mbrëmjën e të mërkurës. Edicionin...

Tetë mjekë akuzohen për vrasjen e Maradonës

Diego Armando Maradona u shua në moshën 60-vjeçare si pasojë e një arresti kardiak. 25 nëntori i 2020 do të mbahet mend gjatë, pasi...

“Kam frikë mos bëj ndonjë budallallëk”/ Gena zbulon nëse do hynte në “Big Brother VIP”

Këngëtari i dashur për publikun, Gena, ishte dje i ftuar në episodin e radhës të “Pardon My French” në Top Albania Radio. Gjatë kësaj...

Unë jam një kërkues kokëfortë i parajsës së humbur

Profesor i nderuar, po e realizojmë këtë intervistë dhe po e fillojmë me pyetjen më të zakonshme, në të cilën duhet të na përgjigjeni...

111 vjet nga lindja e shkrimtarit arbëresh, Ernesto Sabato

Sábato ka lindur në Rojas, provincia de Buenos Aires në Argjentinë më 24 qershor, 1911. Nëna e tij Juana Maria Ferrari rridhte nga një...

Lajmet e Fundit