23.8 C
Prizren
E diel, 31 Gusht, 2025

Momenti kur aeroplani i vogël përplaset në autostradë në Florida, piloti shpëton pa ndonjë lëndim serioz

Ky është momenti kur një aeroplan i vogël përplaset në autostradë në Florida, kjo pasi që piloti nuk i kishte bërë mirë llogaritë sa i përket nivelit të karburantit që kishte në rezervuar.

Remy Colin, 40-vjeç, ishte personi i vetëm brenda fluturakes, që mrekullisht shpëtoi me lëndime të vogla pavarësisht që u përplas në Orlando, transmeton Telegrafi.

Përplasja ndodhi në orën 16:00 gjatë të premtes dhe siç mund të shihet në video, rruga frekuentohej nga shumë qytetarë.

Colin menaxhon kompaninë Aerial Messager, e cila nga viti 1999 ofron një gamë të gjerë të reklamave që realizohen në ajër – duke zbuluar transparentë të ndryshëm.

Videoja e përplasjes është filmuar nga një kalimtar rasti, ku shihet momentin i përplasjes së aeroplanit që sipas policisë së Floridas ndodhi si pasojë e një defekti teknik.

Në anën tjetër Colin ka bërë të ditur se ishte shpërqendruar duke tentuar ta rregullojë radiolidhjen e prishur, si dhe ishte kapluar nga paniku pasi kishte humbur shumë karburant. /Telegrafi/

 

Më Shumë

Versioni i policisë për të arrestuarin në Prizren: Sulmoi zyrtarët policorë

Në media dhe në rrjete sociale të shtunën gjatë ditës ka qarkulluar një video ku shihej një qytetar ndaj të cilit së paku tre...

E kapën për fyti, ia mbyllën gojën – tre hajna tmerrojnë një shtetase të huaj në Prizren, i grabitën 2000 euro dhe telefonin

Një rast i rëndë grabitjeje ka ndodhur këtë të diel në Prizren, ku një shtetase e huaj ka përjetuar tmerr brenda banesës së saj,...

Era e tokës

Lajmet e Fundit