Kandidati i PDK-së për kryetar të Komunës së Prizrenit, Ramadan Muja, ka zhvilluar një fushatë elektorale me banorët e lagjes “Dardania”. Muja në këtë lagje ka shpalosur disa nga pikat kryesore të programit zgjedhor të PDK-së për mandatin e ardhshëm.
“Dardania nga dita në ditë është bërë lagje për lakmi. Në mandatin e ardhshëm kësaj lagjeje do t’ia ketë lakmi e gjithë Kosova”, tha Muja.
Bartësi i listës së PDK-së, Nijazi Kryeziu, tha ndërkaq se PDK-ja e ka projektin për Prizrenin Europian. “PDK-ja ka projekt për Prizrenin Europian.Ky projekt është Ramadan Muja, me të cilin qytetarët e Prizrenit dhe subjektet politike që ia duan të mirën Prizrenit kanë lidhë marrëveshje edhe për bashkëqeverisje për mandatin e ardhshëm 4 vjeçar”, tha Kryeziu.
Sipas tij, koalicionit të PDK-së nuk iu kanë bashkuar vetëm ato parti që janë mësuar të humbin.”Këto parti edhe me 3 nëntor do të humbin”. /PrizrenPress.com/