Ekspozita Ndërkombëtare e Artit Bashkëkohor “Net/Rrjet”, do të organizojë edicionin e shtatë javën e ardhshme në Galerinë e Ministrisë së Kulturës, duke filluar me 13 maj.
Sivjet, artistët bashkëkohorë do të operojnë nën konceptin kuratorial RestArt, me kuratorë Majlinda Kelmendi dhe Zeni Ballazhi. Artistët pjesëmarrës janë Burim Bashi, Dusan Zidar, Irena Paskali, Katerina Belkina, Klodian Deda, Susanne Hofer, Tanja Kalf, Teuta Jashari Kajtazi dhe Eris Kajtazi.
“Net/Rrjet” është themeluar në vitin 2008 dhe paraqet një punë të përbashkët të artistëve bashkëkohorë, të cilët ekzekutojnë në gjini të ndryshme, si pikturë, skulpturë, fotografi, video, instalacion e vizatim.