14.8 C
Prizren
E enjte, 28 Mars, 2024

Policia në Prizren arreston dy grupe të dyshuar se vodhën mbi 22 mijë euro

Policia në rajonin e Prizrenit ka njoftuar se gjatë vitit 2018, 2019 dhe 2020, në fshatin Lubizhdë dhe Skorobishtë kishin ndodhur një numër i vjedhjeve nëpër shtëpitë e banorëve të kësaj zone.Sipas njoftimit, në çdo vend të ngjarjes hetuesit policorë kishin dyshimet për veprimet kriminale të cilat i kryenin personat dhe hetuesit filluan me gjurmimin e të dyshuarve, duke mbledhur gjurmë dhe elemente për veprime hetimore.

“Për këto ngjarje hetuesit bashkëpunuan me Prokurorin e Shtetit në Prizren dhe filluan me masat e fshehta teknike të hetimit dhe vëzhgimit ndaj një grupi të caktuar kriminal. Hetimet fillestare dhanë rezultatet e para dhe fillimisht u arrestuan tre persona të dyshuar B.S, A.A dhe H.B të cilët tani gjenden në burg dhe në pritje të gjykimit”, thuhet në njoftimin e policisë.

Gjatë kohës sa Policia në Prizren po vepronte me masa të fshehta teknike, ka arritur që të identifikojë edhe një grup tjetër, i cili përbëhet nga tre persona të tjerë te cilët janë intervistuar në cilësinë e personave të dyshuar.“Në përgjithësi u zbuluan shtatë raste të vjedhjeve në Lubizhdë dhe Skorobishtë. Dëmet nga këto raste e kalojnë vlerën materiale mbi 22 mijë euro”, thuhet në njoftim.

Më Shumë

Totaj priti drejtuesit e “Autostrada Biennale” në Prizren

Kryetari i Prizrenit, Shaqir Totaj, takoi drejtuesit e “Autostrada Biennale” në Prizren, Leutrim Fishekqiu dhe Vatra Abrashi. Në këtë takim ,ata  biseduan për potencialet dhe...

Bayern Munichu me kërkesë të fundit për Alphonso Davies

Tani ose kurrë. Siç thuhet në Gjermani, Bayern Munich i ka dhënë Alphonso Davies një javë kohë për të marrë një vendim për të...

Lajmet e Fundit