Portugezët e Porto-s kërkojnë të largojnë nga skuadra e tyre mbrojtësin, Chancel Mbemba. Futbollisti afrikan ka gënjyer për moshën e tij, pasi nuk është 27-vjeç, por 31.
Ish-mbrojtësi i Newcastle ka hyrë në muajit e fundit të kontratës në “Dragao” dhe nuk do të ketë kontratë të re për të.
Qendërmbrojtësi u aktivizua në mbi 50 ndeshje me Newcastle midis 2015 dhe 2018. Më parë besohej se ai ishte 27-vjeç, por sipas gazetës portugeze “Corriero de Manha”, ai u ka thënë miqëve të tij se ka lindur në 1990.
Mosha e Mbemba-s është vënë në dyshim që në vitin 2013. Një hetim asokohe zbuloi se ai kishte katër data të ndryshme të lindjes. Viti më i hershëm i zbuluar ishte gushti i 1988.
Mbrojtësi thuhet se ka ndryshuar moshën ndërsa ishte duke përfunduar një lëvizje nga Kongo te skuadra belge Anderlecht-it në vitin 2012.
Gjatë hetimit të vitit 2013, një anëtar i Federatës së Futbollit të Kongos zbuloi se viti i lindjes së Mbemba-s u ndryshua në 1991 pasi i mundësoi atij të luante në Lojërat Olimpike të 2012-ës, të cilat më së shumti lejojnë lojtarët U-23.
Në vitin 2018, Porto investoi rreth 5 milionë euro për ta transferuar nga Newcastle, Mbemba-n. Këtë sezon ai është paraqitur në 24 takime me skuadrën portugeze.
Futbollisti i lindur në Zaire, por që përfaqëson Kombëtaren e Republikës Demokratike të Kongos, thuhet se është në radarët e gjigandëve italian të Milan-it.
Ai ishte në fushë në të dy përballjet e Porto-s me Milan-in këtë sezon, për fazën e grupeve të Champions League.
/Albanianpost.com