Ky është edicioni i parë i Hardh Fest pa Xhevdet Bajrajn, poetin e dashur nga Rahoveci që nuk jeton më.
Në orën poetike kushtuar atij, që nga sivjet do të quhet Xhevdet Bajraj, promovuam dy librat e tij të fundit “Unaza e Saturnit” dhe “Burri që lozte me engjëj” si dhe kujtuam e nderuam krijimtarinë e tij poetike, por edhe njerëzinë dhe vlerat e larta njerëzore që e karakterizonin atë.
Xhevdet Bajraj sot ishte në festival më shumë e i më i pranishëm kurrë më parë. Ai jeton i palëkundur në emrin e Hardh Fest, e sivjet edhe në sloganin që është vendosur sipas poezisë së tij “Ca kokrra rrushi…”.
“Rahoveci, hardhia, rrushi, vera dhe rakia nuk janë më te njëjta pa ty, apo jo Xhevdet Bajraj?”, pyeti drejtori i festivalit dhe miku i tij, Agron Sokoli.
Xhevdë, Hardh Festi të shtroi sot tapetin e gjelbër të hardhisë, ashtu siç e doje ti! /PrizrenPress.com
