PSG transferoi këtë verë, Nordi Mukiele-n nga Leipzig-u. Por, ata thuhet se po përgatisin një tjetër blerje nga skuadra gjermane.
Sipas francezes “L’Equipe”, kampionët e Ligue 1 kanë përzgjedhur, Mohamed Simakan, si alternativën e parë në rast se nuk arrijnë te Milan Skriniar.
Edhe pse Leipzig nuk ka në plan të privohet nga shërbimet e 22-vjeçarit, sipas raportit ata do të hiqnin dorë nëse oferta për të do të ishte 40 milionë euro.
Mbrojtësi u transferua te Leipzig verën e kaluar nga francezët e Strasbourg për shifrën e 15 milionë eurove.
Deri më tani ai është paraqitur në 43 ndeshje me skuadrën gjermane, nga ku ka realizuar një gol dhe një asistim. Ndërsa në Ligue 1, Simakan është paraqitur 38 ndeshje.
/Albanianpost.com