Fondacioni “Giulio Gari” nga Nju Jorku, i cili shpërblen dhe inkurajon të rinjtë në muzikën klasike të kualitetit më të lartë, ka nderuar edhe tenorin kosovar, Riad Ymeri.
Këtë vit, së bashku me 13 këngëtarë të tjerë të muzikës klasike, Ymeri ka përfituar një grant nga ky fondacion, i cili përmes një koncerti gala të fituesve, i prezanton këta artistë jo vetëm te publiku, por edhe te industria e muzikës klasike.
Në garën ndërkombëtare të vokalit që organizoi fondacioni për vitin 2014, siç transmeton kultplus, u ndanë pesë çmime të para, 14 këngëtarë përfituan grante, si dhe pesë të tjerë morën çmime të inkurajimit.
Fondacioni “Giulio Gari” është emërtuar pas artistit të madh italian dhe ka për qëllim që të bartë trashëgiminë dhe besimet e tij tek artistët e muzikës klasike.