Këngëtarja nga Shqipëria, Bleona Qereti, ka mohuar një shkrim bombastik në media se ajo i ka premtuar seks 24 orësh trajnerit të Shqipërisë, Gianni De Biasi, në rast se kombëtarja kuqezi kualifikohet në Euro 2016.
“Përshëndetje të gjithëve! Mora njoftim sot përmes përfaqësuesit tim në Shqipëri, se një lajm i çuditshëm po qarkullon për mua në mediat e shkruara dhe ato online. Me gjithë respektin që kam për Kombëtaren Shqiptare në futboll dhe për trajnerin e saj, si pasojë e largimit nga Shqipëria nuk jam fare e azhurnuar mbi lajmet nga sporti”, ka shkruar Qereti në Facebook.
“Nuk e njoh Gianni De Biasin, vetëm sot u ndesha me emrin e tij dhe kurrë nuk kam deklaruar diçka për të në media. Çfarëdo që të keni lexuar, nuk jam unë. Ky është profili i vetëm zyrtar, i certifikuar edhe nga Google. Do doja shumë që të tregoheshit të kujdesshëm përpara publikimit të lajmeve të tilla”.
“Më bën vërtet për të qeshur shkrimi i publikuar, për nivelin e gazetarisë. Lexova mes rreshtave në lajmin e publikuar se intervista është dhënë për Albanian American Vision, seriozisht nuk ia kam fare idenë se çfarë është ky televizion, e jo më të kem thënë diçka për të”.