“Suus” e Rona Nishliut vazhdon “të jetojë”. Kënga e cila para dy vjetësh ia siguroi Shqipërisë pozitën më të lartë në festivalin “Eurovision”, për të dytën herë me radhë është futur në listën e top-njëzetëshes me këngët më të mira në gjithë historinë e garës evropiane të këngës.
Sikurse edhe vitin e kaluar “Suus” është radhitur në vendin e 18-të në anketën e realizuar nga ueb sajti zyrtar i raportimeve për Festivalin Evropiane të Këngës “12points.tv”. Vitin 2012 kjo këngë ishte renditur e 12-ta, shkruan Koha Ditore.
Për përpilimin e 250 këngëve më të mira të këtij festivali gjatë gjithë muajit dhjetor kishin votuar mbi 4 mijë njerëz. Lista kryesohet nga kënga fituese e vitit 2012, “Euphoria” e suedezes Loreen, ndërsa në vend të dytë është radhitur kënga “Calm After the Storm” e bendit “The Common Linnets”, që e përfaqësoi Holandën në edicionin e vitit 2014.
Vendin e tretë e ka zënë kënga e fitueses së edicionit të kaluar, “Rise Like a Phoenix”, e interpretuar nga përfaqësuesja e Austrisë, Conchita Wurst.