Takimi i parë mes koalicionit LDK-AAK-Nisma dhe Vetëvendosjes dështoi të nxjerr një marrëveshje të shkruar sot paradite.
Por, përpjekjet për finalizimin e bisedimeve një mujore për formimi e Qeverisë së Kosovës nga këto katër parti po vazhdojnë.
Pas takimit të liderëve të katër partive politike, sot pasdite do të mbahet një takim i radhës, por tani në mes të anëtarëve të Grupit Punues, në përpjekje për gjetur pajtimin e përbashkët.
Takimi do të nis në orën 15:00 në selinë e AAK’së.
Në këtë takim LDK përfaqësohet nga Kujtim Shala, AAK nga Ardian Gjini, Nismën nga Bilall Sherifi dhe Vetëvendosja nga Visar Ymeri.