Me ftesë të ministres se Kulturës së Shqipërisë, Mirela Kumbaro-Furxhi ka qënderuar në Tiranë, ministri i Kulturës i Kosovës, Memli Krasniqi. Në njoftimin zyrtar nga ky takim thuhet se, shkëmbimi i ideve, përvojave dhe vlerësimet reciproke ishin temat që u konkretizuan midis dy homologëve, veçanërisht në fushën e legjislacionit por edhe mbi artin, kulturën, trashëgiminë dhe problematikat që shoqërojnë këto fusha.
Të dy ministrat u shprehen se marrëdhëniet në planin kulturor duhet të shënojnë një epokë të re, ku prioritet do të ketë krijimi i një strategjie të përbashkët kulturore.