Kryeministrat e Kosovës dhe Serbisë, Hashim Thaçi e Ivica Daçiq, po marrin bashkë pjesë në Konferencën e Mynihut për Siguri.
Temë bosht e takimeve do të jetë, sis thuhet në një njoftim të qeverisë, suksesi i Kosovës në stabilizim dhe demokratizim dhe dialog me fqinjët, që janë një nga pikat e ndritshme të diplomacisë botërore vitin që shkoi,transmeton Klan Kosova.
Në këtë forum të rëndësishëm të politikës botërore, që sivjet feston 50 vjetorin, Kryeministri Thaçi do të jetë njëri nga panelistët, krahas presidentëve, kryeministrave të shteteve aleate, dhe personaliteteve tjera globale nga fusha e biznesit, medies dhe shoqërisë civile.