Përurimi i databazës për trashëgiminë kulturore, e cila u bë sot në hapësirat e muzeut të Kosovës, për kryeministrin në detyrë Hashim Thaçin, është edhe një shërbim më tepër për të përmirësuar administrimin, mirëmbajtjen, restaurimin dhe promovimin e monumenteve të trashëgimisë kulturore.
Sipas Thaçit, i cili ka shkruar në llogarinë e tij në rrjetin social facebook, kjo databazë do të shërbejë po ashtu edhe si arkiv e pasurisë kulturore të Kosovës.
“Ajo do të shërbejë gjithashtu si arkiv i pasurisë sonë kulturore për qëllime shkencore dhe edukative. Ky projekt është shembull i mirë i zbatimit të një ndër prioriteteve të qeverisjes sime, gjegjësisht Qeverisjes Elektronike”, ka shkruar Thaçi në facebook.
Ai po ashtu ka shkruar se, do të përdorin gjithnjë e më shumë teknologjinë e lartë për të ngritur cilësinë dhe efikasitetin e shërbimeve publike dhe rritur transparencën.