Kryetari i Prizrenit Shaqir Totaj, ka nënshkruar një marrëveshje për binjakëzimin e Prizrenit me qytetin Harrisonburg të Virxhinias së SHBA-së.
“Ku binjakëzim do të shërbejë si urë për marrëdhëniet në arsim, shkencë, biznes, kulturë, sport, etj”, njofton Komuna e Prizrenit.
Në takimin me kryetaren e Komunës së Harrisonburg, Deanna Reed, menaxherin e qytetit, Ande Banks, Totaj u zotua për zgjerimin e bashkëpunimit përmes projekteve në interes të qytetarëve të të dyja vendeve.
Kryetari Totaj, gjithashtu ka zhvilluar një takim frytdhënës me presidenten e Eastern Mennonite University (EMU), Susan Schultz Huxman dhe pronarët e bizneseve të Harrisonburg.
Ai po ashtu ka vizituar edhe James Madyson University (JMU), ku, profesoresha e Shkencave Politike, Dr. Jennifer A. Taylor organizoi një bashkëbisedim me studentë të këtij universiteti me ç’rast diskutuan për Prizrenin e Kosovën në përgjithësi si dhe për mundësinë e shkëmbimit të studentëve dhe përvojave kulturore të vendeve tona.
Marketing
Ndërmarrja “3D-Fesali” në Prizren, partneri më i besueshëm për çdo projekt ndërtimi
