Në përvjetorin e 9-të të vdekjes së poetit për fëmijë, Abdullah Thaçi, mbrëmë në Bibliotekën e Prizrenit u organizua takimi letrar përkujtimor “Një jetë me poezi”.
Drejtoresha e bibliotekës, Sahadete Sadikaj – Kukaj, e vlerësoi kontributin e Thaçit në letërsinë për fëmijë, duke theksuar se ai mbetet një figurë e paharruar për të gjitha gjeneratat.
Gazetari Vllaznim Bytyçi, nënvizoi rëndësinë e veprave të Thaçit, të cilat kanë tërhequr gjithmonë vëmendjen e më të vegjëlve dhe kanë një vend të veçantë në letërsinë shqipe.
Në fund të takimit, djali i poetit, Arbeni, falënderoi të pranishmit për mbështetjen dhe përkushtimin e vazhdueshëm për babain e tij.
Takimi, i cili u organizua nga Biblioteka e Prizrenit në bashkëpunim me Shoqatën për Kulturë dhe Art “Fidani”, u pasua me recitime poezish dhe pika muzikore./tv prizreni/
Marketing
Përjetoni pushime të paharruar dhe dasma magjike në Hotel “Albes Residence”