Ushtria ukrainase çdo ditë e më shumë është duke avancuar, e këtë më së miri e dëshmojnë sulmet e shumta që po i zhvillon kundër ushtrisë ruse.
Ministria ukrainase e Mbrojtjes vazhdimisht publikon pamje nga aksione të ndryshme ushtarake, që shumica prej tyre kanë rezultuar qind për qind të suksesshme, transmeton Telegrafi.
Më i fundit është në rajonin e Kharkivit, ku pamjet me dron nga ajri shfaqin momentin kur depot me municion të ushtrisë ruse hidhen në erë.
Sulmi ajror ishte filmuar në detaje nga ushtria ukrainase, ku shihen sesi depot hidhen në erë nga raketat që lansohen nga dronët e tyre.
Detonimet më të mëdha dëgjohen pas goditjes së objektivave, pasi brenda tyre kishte municion që përfshihet nga zjarri dhe shpërthimet më pas nuk kanë të ndalur.
Në anën tjetër, ukrainasit së fundmi i kanë shpeshtuar kundërsulmet ndaj rusëve, që disa pjesë të Ukrainës i ka nën kontroll. /Telegrafi/