Pas dështimit të një seance të jashtëzakonshme kohë më parë, të enjten ka dështuar edhe mbajtja e seancës së rregullt të Kuvendit të Prizrenit. Punimet u ndërprenë nga largimi i kuvendarëve të LVV-së dhe disa të tjerë nga parti të ndryshme. Për shkak të mungesës së kuorumit, kjo mbledhje nuk u zhvillua.
Shefi i Grupit të Kuvendarëve të LVV, Karanfil Haxhillari, deklaroi se arsyeja e braktisjes së seancës ishte mungesa e drejtuesve më të lartë komunal dhe sidomos ekzekutivit, gjë që sipas tij tregon mungesë respekti për kuvendarët dhe qytetarët.
Kliko linkun: https://www.facebook.com/PrizrenPress/videos/464907599261208
Ndërkohë, shefi i Grupit të Kuvendarëve të PDK, Adrit Krasniqi, dhe kuvendari Ertan Simitçi, kërkuan që të mbahet një takim nga kryesuesja e Kuvendit me shefat e grupeve të kuvendarëve dhe që seanca të vazhdojë.
Më pas, kryesuesja e Kuvendit, Antigona Bytyçi, zhvilloi një takim me shefat e grupeve të kuvendarëve dhe pas një diskutimi çerek orësh, u vendos që kjo mbledhje të shtyhet për një ditë tjetër.
Në këtë seancë ishte paraparë të shqyrtoheshin dhe miratoheshin 8 pika të rendit të ditës./tv Prizreni/
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
