-3.2 C
Prizren
E diel, 5 Shkurt, 2023

Williamson flet në gusht

WilliamsonClint Williamson, kryeprokurori që po i heton dyshimet e ngritura në raportin e Dick Martyt, do t`i bëjë publike të gjeturat e hetimeve trevjeçare në gusht të këtij viti.

Plani ka qenë që një gjë e tillë të ndodhë në pjesën e dytë të këtij muaji, menjëherë pas përfundimit të mandatit të kaluar të EULEX-it dhe fillimit të mandatit të ri, gjë që ka ndodhur më 15 qershor, mirëpo një gjë e tillë nuk është realizuar.

Burime të gazetës kanë bërë të ditur se publikimi i rezultateve të hetimeve do të vonohet për pak muaj. Se Williamson do të dalë me të gjeturat brenda pak muajsh, e ka pranuar zyrtarisht edhe Joau Sousa, zëdhënësi i SITF-it, Task Forcës që udhëhiqet nga kryeprokurori amerikan Williamson. “Ne planifikojmë që të japim rezultatin e hetimeve në muajt e ardhshëm”, ka thënë Sousa në një prononcim për gazetën Tribuna.

Në qarqet diplomatike ka pasur një debat të gjerë për mënyrën se si duhet që Williamson të procedojë publikisht me rezultatet e hetimeve.

Disa nga shtetet mbështetëse të SITF kanë kërkuar raport publik ku do të qartësoheshin të gjitha pretendimet e Dick Martyt dhe kësisoj do të zbardhej e vërteta për tërë raportin e ish-senatorit të Këshillit të Evropës./tribuna/

Më Shumë

Qeveria miratoi 11 vendime që ndërlidhen me pagat në sektorin publik

Qeveria mbajti të shtunën mbledhje elektronike,për të cilën ka njoftuar me anë të një komunikate për media.   Ekzekutivi i vendit njoftoi se në këtë mbledhje...

Sektori privat i diskriminuar nga ndihma e shtetit – punëtorët vazhdojnë të paguhen me pagë minimale

“Nuk e ndiejmë që jemi shtetas të Republikës së Kosovës. Shteti po na diskriminon”, thotë Hysni Gashi, i punësuar në një kompani pastrimi në...

Lajmet e Fundit