22.8 C
Prizren
E enjte, 18 Korrik, 2024

Xhaka në konflikt me sekretarin e federatës zvicerane për shkak të rrënjëve të tij kosovare

Mesfushori i Zvicrës dhe Arsenalit, Granit Xhaka, i është kundërpërgjigjur sekretarit gjeneral të Federatës së Futbollit të Zvicrës, Alex Miescher.

Pas humbjes në 1/8 e finales lojtarët e Zvicrës u kritikuan shumë dhe Miescher përmendi si problematik faktin që Zvicra ka shumë lojtarë me dy shtetësi.

“A na duhen lojtarët me shtetësi të dyfishtë?”, ishte komenti i tij.

Xhaka, që është vet një nga këta lojtarë me dyshtetësi, i është përgjigjur Miescher.

“Gjatë kampionatit botëror dhe pasi bëra me duar shqiponjën, Alex erdhi tek ne dhe na premtoi se do të bënte gjithçka për të na mbrojtur – dhe tani ja çfarë deklarate vjen nga ai”, ka thënë Xhaka gjatë një interviste me Keystone-SDA, njofton Klan Kosova.

“Në komentet e tij ai thotë se nuk ka besim në lojtarët me dy shtetësi. Kjo direk më prek mua dhe disa të tjerë”.

“Nuk thuhet këto fjalë, sidomos pas momentit në të cilin ishim me humbjen në Rusi. Ne jemi të gjithë zviceran dhe bëjmë gjithçka për kombëtaren zvicerane – secili prej nesh – sepse ne të gjithë e dimë dhe jemi mirënjohës për atë se çfarë ka bërë Zvicra për ne dhe për familjet tona”.

“Rrënjët e familjes time janë nga Kosova, siç janë të Embolos nga Kameruni, Akanjit nga Nigeria e Rodriguezit nga Kili e Spanja”.

“Në kombëtare sot janë 50 deri në 60 për qind lojtarë me dyshtetësi. Madje edhe menaxheri jonë është i tillë dhe japim gjithçka për kombëtaren. Me këto komente të panevojshme, Alex Miescher, ka shkaktuar shumë mërzi dhe zhgënjim”.

“Mendoj se Alex me siguri ka mendime të kohës së gurit me komentet e tij për lojtarët me shtetësi të dyfishtë”.

Më Shumë

Sot publikohen të dhënat e para të regjistrimit të popullsisë

Agjencia e Statistikave të Kosovës sot do të publikojë të dhënat paraprake të regjistrimit të popullsisë, ekonomive familjare dhe banesave. Në ngjarjen që pritet të...

Magjike: Ujëvarat e Lubinjës së Poshtme të Prizrenit

Këto janë ujëvarat e fshatit Lubinjë e Poshtme të Prizrenit që ka natyrën më të bukur në Kosovë e ujin e pastër kristal. Ndiqeni kronikën...

Lajmet e Fundit