Kryetari i Degës së LDK-së në Prizren, Driton Selmanaj, ka dërguar telegram ngushëllimi për familjen e komandant Ekrem Rexhës (Komandant Drinit) pas vdekjes së nënës së tij, Qamile Rexha.
Në telegram, Selmanaj shpreh pikëllimin e tij të thellë për ndarjen nga jeta të nënës Qamile, duke e cilësuar atë si një figurë qëndrestare, e cila do të mbahet mend për dashurinë ndaj atdheut dhe për edukimin që u dha djemve të saj, duke i mësuar se si të duan dhe të luftojnë për vendin e tyre.
“Pas luftës, nëna Qamile përjetoi rëndë vrasjen pas shpine të Komandant Drinit dhe jetoi me vite të tëra duke pritur drejtësinë për zbardhjen e rastit,” thuhet në telegramin e Selmanajt.
Në përfundim të telegramit, Selmanaj shpreh respektin e tij të thellë për nënën Qamile./PrizrenPress.com
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
