Më 28 shtator, në MHP Arena në Ludwigsburg, do të zhvillohet një natë spektakolare boksi ku gladiatorët shqiptarë do të kërkojnë lavdinë, duke nisur nga ora 21:00.
Trashëgimia e Junikut në boks vazhdon, ku legjenda Luan Krasniqi ka dorëzuar stafetën te nipi i tij, Ardian Krasniqi. Ai do të përballet me Saul Ivan Male në betejën për brezin WBO Intercontinental përpara 5000 shikuesve.
Në këtë mbrëmje do të ngjiten në ring edhe tre boksierë shqiptarë të tjerë: Altin Zogaj, Eris Bajra dhe Labinot Xhoxhaj. Mysafir special i ngjarjes do të jetë Luan Krasniqi, duke e bërë këtë natë edhe më atraktive për adhuruesit e boksit.
