Hendbollistja e Kombëtares së Kosovës, Mirela Gjikokaj, fundjavën që e lamë pas ka debutuar në Ligën e Kampionëve.
Gjikokaj bëhet hendbollistja e parë shqiptare që luan në garën elitare evropiane.
Në kuadër të xhiros së nëntë të Grupit A, skuadra e Gjikokajt, Storhamar, pësoi 31:28 në Rumani nga skuadra Gloria.
Në fakt skuadra norvegjeze ishte në epërsi thuajse gjithë kohën, por mbeti prapa në fund. Gjikokaj e shënoi një gol të rëndësishëm, për epërsinë 28:26. Ishte goli i fundit i skuadrës norvegjeze.
Gjikokaj tashmë i ka pesë ndeshje për Storhamarin.
Më 29 dhjetor e fitoi Kupën e Norvegjisë. Storhamari në finale fitoi pas ekzekutimit të penalltive ndaj Tertnesit.
Më 2 janar, lojtarja jonë i realizoi pesë gola e tri asistime në fitoren 42:22 ndaj Fredrikstadit në kampionatin norvegjez.
Më 5 janar, Storhamari fitoi 32:22 ndaj Gjerpenit, ndërsa Gjikokaj i kishte gjashtë gola e një asistim.
Më 8 janar, Storhamari fitoi ndaj Byasen Elite me rezultat 27:24, ndërsa hendbollistja kosovare i kishte tri asistime.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
