Uji në Malishevë pranë kufirit të ndotjes, i papërdorshëm për pije

KRU “Hidroregjioni Jugor” sh.a. – Njësia Malishevë ka njoftuar se uji në burimet e fshatit Banjë të Malishevës është pranë kufirit të lejueshëm të ndotjes dhe nuk është i sigurt për konsum të pijshëm.

“Pas analizave të ujit të pijes në burimet e fshatit Banjë – Malishevës, ku ne operojmë, është konstatuar se vlerat e ndotjes janë shumë pranë kufirit të lejueshmërisë. Dyshohet se ndotja e ujit mund të jetë shkaktuar nga shkrirja e shpejtë e borës, e cila ka ndikuar në burimet e ujit të pijes”, sqaron kompania në njoftim, përcjell PrizrenPress.

Për këtë arsye, qytetarëve u është bërë thirrje që ujin ta përdorin vetëm për higjienë.

“Për arsye sigurie dhe mbrojtjeje të shëndetit publik, ju lutemi që ujin ta përdorni vetëm për higjienë dhe jo për pije deri në një njoftim të radhës”.

Ky njoftim vlen për konsumatorët e fshatit Banjë, qytezës së Malishevës dhe fshatit Carralluk. KRU “Hidroregjioni Jugor” ka falënderuar qytetarët për mirëkuptimin dhe bashkëpunimin e tyre./PrizrenPress.com/

Marketing

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri