Ish bashkëluftëtari i tij i luftës dhe ushtari i tij ka përmendur me rend goditjet që sipas tij iu dhanë shefit e ai qëndroj në këmbë. Është ky Haxhi Shala i cili ka reaguar ndaj krejt ngjarjeve në mes gjykatave e Fatmir Limajt.
Ky është reagimi i plotë i Shalës dhe “Brigadës 121”
Gjykata e Apelit më në fund i dha fund persekutimit të bashkëluftëtarit dhe komandantit tonë Fatmir Limaj.
Fatmirit, që nga viti 2003 nuk iu ndanë goditjet e njëpasnjëshme por asnjëherë nuk arritën ta gjunjëzojnë. Ai vazhdon rrugëtimin e tij edhe më i fortë.
Kur gjatë luftës e thërrisnim Çelik as që e kishim idenë se ai kaq gjatë do të detyrohet të përballet me sfida të rënda sikur që përballet çeliku
Ata që nuk lanë gurë pa lëvizur kundër tij, duhet së paku tani ta kuptojnë se e kanë të kotë, nuk kanë mundur dhe nuk do të munden kurrë ta mundin.
Prandaj le të heqin dorë nga tendencat tjera.
Fatmirit i urojmë shëndet dhe suksese në rrugëtimin e tij të më tejmë dhe njëkohësisht zotohemi se ashtu siç ishte ai gjithmonë pranë nesh, edhe ne gjithnjë do të jemi pranë tij dhe me te.
Në emër të ushtarëve dhe veteranëve të brigadës 121 Kumanova të Ushtrisë Çlirimtare të Kosovës.
Haxhi Shala