Është themeluar Festivali Ndërkombëtar i Teatrit në Ambient të Hapur, raporton PrizrenPress
Për nder të Ditës Botërore të Teatirt, u themelua edhe Festivali Ndërkombëtar i Teatrit në Ambient të hapur.
Lajmin e ka bërë të ditur kryetari i Prizrenit, Shaqir Totaj, i cili thotë se ky festival sivjet nisë rrugëtimin për t’u shndërruar në një ngjarje tradicionale që do të mbahet në qytetin e Prizrenit.
Në vijim gjeni postimin e plotë të tij:
Me 27 Mars, në Ditën e Teatrit u themelua Festivali Ndërkombëtar i Teatrit në Ambient të Hapur, i cili do të organizohet nga artistët në partneritet me Komunën e Prizrenit.
Ky festival u themelua nga artistët: Shkëlzen Veseli, Adrian Morina dhe Zana Duraku dhe do të mbahet në fund të muajit Korrik dhe në filllim të muajit Gusht, nën patronatin tim në cilësinë e Kryetarit të Komunës së Prizrenit.
Festivali synon të bëjë bashkë teatro e trupa teatrore nga vendi, rajoni dhe evropa.
Prizreni është vatër e kulturës, artit dhe simbolizohet me diversitet kulturor të shumë etnive që jetojnë së bashku në harmoni të plotë, në po këtë frymë do të organizojmë dhe këtë fesival.
FESTIVALI NDËRKOMBËTAR I TEATRIT, do të jetë një ngjarje artistike e kulturore e paharrueshme, që do të organizohet për herë të parë në verë të këtij viti.
