Një grua me nënshtetësi sllovake ka raportuar në policinë e Prizrenit se është sulmuar fizikisht nga bashkëshorti i saj shqiptar me shtetësi maqedonase.
Sipas policisë, viktima ka pranuar tretman mjekësor, teksa raportohet se ngjarja ka ndodhur në një hotel në Prizren.
“Lidhur me rastin është njoftuar prokurori ndërsa viktima është dërguar në strehimore. I dyshuari gjendet në arrati, rasti në procedurë hetimore”, thuhet në raportin 24 orësh.
Ky është njoftimi i plotë i Policisë së Kosovës:
“Prizren 13.11.2023-04:00. Me 17.11.2023 është raportuar se viktima femër Sllovake ka pranuar tretman mjekësor pasi që e njëjta derisa ka qenë në një hotel në Prizren pas një mosmarrëveshje është sulmuar fizikisht nga bashkëshorti i saj i dyshuari mashkull Shqiptar shtetas i Maqedonisë së Veriut. Lidhur me rastin është njoftuar prokurori ndërsa viktima është dërguar në strehimore. I dyshuari gjendet në arrati, rasti në procedurë hetimore”.