Kryetari i Prizrenit, Shaqir Totaj, ka pritur sot atletin e MMA-së (Mixed Martial Arts) me prejardhje nga Velezha, Gjoni Palokaj.
Palokaj aktualisht mban dy tituj prestigjioz në Gjermani, aty edhe ku jeton, “We love MMA” dhe “Respect FC”, shkruan PrizrenPress.
Para pak muajsh, Gjoni ka arritur marrëveshje me “American Top Team”, ku ka zhvilluar stërvitje me legjendat e UFC-së, amerikanin Dustin Poirier dhe brazilianin José Aldo.
Me këtë rast, siç bëhet e ditur përmes njoftimit të komunës, u diskutua për mundësinë e organizimit të një gare ndërkombëtare në MMA në Prizren, që do të ishte një ngjarje e rëndësishme për sportdashësit, e sidomos për dashamirët e arteve marciale./PrizeenPress.com
Marketing
