Të hënën e 20 majit, punimet për ndërtimin e tualetëve publike filluan para objektit të administratës komunale në Prizren.
Komuna e Prizrenit, në partneritet me organizatën USAID, ka nisur implementimin e projektit për ndërtimin e këtyre tualetëve.
Nënkryetari i komunës, Kujtim Gashi, shprehu gëzimin për fillimin e këtij projekti të nevojshëm për qytetin, duke theksuar rëndësinë e tij në kontekstin e zhvillimeve urbane. Detajet për projektin, i cili ka një vlerë prej 135 mijë eurove, me 20% financim nga USAID-i, u prezantuan nga drejtori i Shërbimeve Publike në Prizren, Çelë Lamaj. Drejtoresha ekzekutive e OPDMK, Antigona Shestan, shprehu gëzimin për fillimin e ndërtimit të tualetëve, duke theksuar kërkesat e komunitetit për këtë infrastrukturë të rëndësishme, veçanërisht për personat me nevoja të veçanta.
Përveç OPDMK-së, edhe organizata të tjera shoqërore në Prizren kanë bërë thirrje për përmirësimin e situatës së tualetëve publike në qytet./TV Prizreni
