FC Liria e Prizrenit ka bërë një lëvizje të madhe në tregun e transferimeve sot, duke njoftuar zyrtarisht nënshkrimin e tre lojtarëve nga Namibia për sezonin e ardhshëm, raporton PrizrenPress.
Klubi ka arritur marrëveshje me Romeo Kasume, një mesfushor qendror i cili ka përfaqësuar me krenari kombëtaren e Namibisë. Kasume sjell përvojë dhe vizion në mesfushën e Lirisë, dhe pritet të jetë një pikë kyçe në organizimin e lojës së ekipit.
Gjithashtu, FC Liria ka shtuar në radhët e saj anësorin e shpejtë dhe efikas Uetuuru Kambato, i cili po ashtu ka përvojë ndërkombëtare me kombëtaren namibiane. Kambato do të shtojë dinamikë në sulmin e ekipit, duke përforcuar të dy krahët.
Sulmuesi Kulula Erastus është përforcimi i tretë i Lirisë. Erastus, i cili gjithashtu ka veshur fanellën e kombëtares së Namibisë, pritet të kontribuojë me shkathtësinë e tij për të shënuar gola dhe për të ndihmuar skuadrën në arritjen e objektivave të sezonit./PrizrenPress.com
Marketing
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
Kompleksi ‘Newco Elan’ ofron banesa të ëndrrave tuaja në zemër të Prizrenit
