Pasi triumfoi në Bundesligë dhe Kupë të Gjermanisë, Bayer Leverkusen, tashmë e ka fituar edhe Superkupën e Gjermanisë, pasi triumfoi në penallti ndaj Stuttgartit.
Skuadra e Xabi Alonsos luajti për pjesën më të madhe të lojës me një lojtar më pak, pasi Martin Terrier u ndëshkua me karton të kuq në minutën e 37-të.
Leverkusen kaloi e para në epërsi kur Boniface shënoi në minutën e 11-të për 1:0.
Stuttgart u kthye në lojë vetëm katër minuta më vonë, për të barazuar në 1:1 me anë të Enzo Millot, me pjesën e parë që u mbyll me këtë rezultat.
‘Mysafirët’ kaluan për herë të parë në epërsi në këtë takim, kur për 2:1 shënoi Undav në minutën e 63-të.
Por heroi i Leverkusenit ishte Patrik Schick, që nuk lejoi që skuadra e tij të mposhtej, pasi barazoi rezulatatin në 2:2 vetëm dy minuta para fundit.
Kësisoj ndeshja shkoi ne penallti.
Për Leverkusen shënuan Schick, Grimaldo, Garcia e Tapsoba, teksa te Stuttgarti dështuan Kratzig dhe Silas.
Rezultati përfundimtar në penallti ishte 4:3 në të mirë të Leverkusenit, që fiton tripletën brenda Gjermanisë.
Marketing
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
Kompleksi ‘Newco Elan’ ofron banesa të ëndrrave tuaja në zemër të Prizrenit
Restoranti familjar “Sofra” shpall konkurs për vende të lira pune
