Fatlum Dacaj është dënuar me dy ndeshje pezullim për goditje me shqelm nga prapa, ndërsa futbollistët e tjerë të skuadrës së Deçanit dhe Prizrenit janë pezulluar deri në përfundimin e hetimeve nga Komisioni Disiplinor i Federatës së Futbollit të Kosovës (FFK).
Ndeshja e fundjavës, e vlefshme për xhiron e dytë të Ligës së Dytë, u ndërpre disa minuta para përfundimit për shkak të përleshjes mes lojtarëve në fushë dhe sulmeve fizike ndaj lojtarëve mysafirë nga tifozët vendas.
Një numër i konsiderueshëm tifozësh hodhën mjete të forta dhe persona të paautorizuar hynë në fushë për të kryer sulme fizike.
Për shkak të dështimit në organizimin e ndeshjes, Komisioni Disiplinor i FFK-së ka hapur procedurë disiplinore edhe ndaj klubit Deçani.
“Lëshim në organizimin e ndeshjes së javës së dytë të Ligës së Dytë Deçani-Prizreni, zhvilluar më 08.09.2024 në Isniq. Bazuar në nenin 32 paragrafi 1 të Rregullores Disiplinore, kërkohet një deklaratë shtesë nga përfaqësuesi zyrtar i KF Deçani,” thuhet në njoftimin e FFK-së.
Marketing
