Sot, me homazhe dhe nderime, janë përkujtuar dëshmorët e Komunës së Malishevës që ranë heroikisht në Betejën e Rahovecit. Në këtë betejë dhanë jetën për lirinë e atdheut: prof. Hamdi Berisha, Gani Paçarizi, Ramadan Morina, Sadik Shala, Habib Berisha, Liman Gegaj, Afrim Krasniqi dhe Ruzhdi Gjyliqi, raporton PrizrenPress.
Hapësira me qira në objektet e reja te ‘RENELUAL TAHIRI’ në Prizren
Në përkujtim të tyre, gjatë ditës së sotme, përveç familjarëve dhe bashkëvendësve, homazhe dhe nderime bënë edhe kryetari i Komunës së Malishevës, Ekrem Kastrati, kryesuesi i Kuvendit Komunal, Argjend Thaçi, Metush Kryeziu nga dega e OVL të UÇK-së, deputeti Nait Hasani, Gjeneral Selim Krasniqi, përfaqësues të subjekteve politike dhe veteranë të luftës.
“Sot, 27 vite më pas, nderojmë e kujtojmë atë çfarë ka ndodhur në betejat e luftës sonë për liri. Kujtojmë ditët e vështira të asaj kohe, vuajtjet, dhimbjet dhe sakrificën e korrikut të vitit 1998. Mirënjohja është virtyti më i mirë që manifestohet çdo ditë. Shpresoj që gjeneratat që vijnë do të jetojnë me lavdinë e krenarinë për vendin tonë, për të cilin është dhënë shumë, si në kohën për liri ashtu edhe në epokën e shtetndërtimit,” ka thënë në fjalët e tij përkujtimore Kastrati.
Gjatë këtyre nderimeve u vlerësua lart kontributi i të gjithë dëshmorëve të kombit, të cilët ranë në altarin e lirisë për çlirimin dhe pavarësinë e popullit shqiptar. Homazhet dhe nderimet u zhvilluan pranë varrezave të dëshmorëve, te lapidarët e ngritur në nder të tyre dhe në vendet e rënies së tyre në territorin e Komunës së Rahovecit./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
