Dimër apo verë, borë apo diell – kjo natyrë magjike të mahnit, të mbush shpirtin: Malet e Sharrit!
Në çdo grykë, në çdo shteg, natyra ende flet. Por zërat e barinjve po shuhen. Kullotat e gjelbra, që dikur gjëmonin nga thirrjet e tyre, sot janë gjithnjë e më të heshtura. Me ta, rrezikon të shuhet edhe një trashëgimi shekullore – një jetë që ka mbajtur gjallë këtë vend brez pas brezi.
Rrëzë Sharrit takojmë një njeri të thjeshtë, por me shpirt të madh. Ai nuk ka diploma, por ka universitetin e jetës, fakultetin e dhimbjes, ligjëratat e natyrës.
Krejt Kapak sjell rrëfimin e bariut Ismet Ademi, 62-vjeçari që tash e 50 vite njeh çdo pëllëmbë të këtyre maleve.
“Me 12 vjet e lashë shkollën, e kapa shtagën”, rrëfen baci Ismet, i cili ka 10 fëmijë – 6 djem e 4 vajza.
Sot, ai kujdeset për 740 delet e Përparim Hasanit nga Firaja.
“Nuk shoh andrra prej kënaqësisë që përjetoj këtu”, thotë baci Ismet me buzëqeshje të qetë.
Ky reportazh do t’ju fusë në jetën e tij, në botën e një bariu që është shndërruar në simbol të Sharrit dhe i cili bart mbi supe një histori që po rrezikon të harrohet.
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
