Shtetasi i Kosovës, Avni Qenaj, ish-pjesëtar i Ushtrisë Çlirimtare të Kosovës, i cili ishte arrestuar më 26 nëntor 2025 nga autoritetet serbe në pikë-kalimin kufitar në Merdar gjatë transitit për në Bosnjë e Hercegovinë, është liruar sot nga paraburgimi.
Lajmin e ka konfirmuar avokati i tij, Xhevdet Smakiqi, i cili ka deklaruar se Qenaj është në rrugëtim drejt Kosovës, megjithëse ende nuk ka arritur të takojë familjen e tij.
“Avni Qenaj po udhëton drejt Kosovës nën përkujdesjen e familjes, pa asnjë mbështetje nga Qeveria. Ai ende nuk ka arritur në Kosovë dhe nuk është takuar me familjarët e tij”, ka thënë Smakiqi.
Më 4 dhjetor 2025, Ministria e Punëve të Jashtme dhe Diasporës kishte bërë të ditur se autoritetet serbe kanë iniciuar procedurë penale ndaj Qenajt, duke e akuzuar për krime lufte të vitit 1999 dhe duke i caktuar masën e paraburgimit prej 30 ditësh.
Qenaj ishte arrestuar më 26 nëntor nga autoritetet serbe, ndërsa lirimi i tij vjen pas më shumë se një muaji ndalimi në Serbi. Autoritetet kosovare nuk kanë dhënë ende ndonjë reagim zyrtar të ri pas lirimit të tij.
Marketing
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
