Kryetari i Komunës së Malishevës, Ragip Begaj, sot ka parë nga afër realizimin e dy projekteve kapitale, me qëllim të njoftimit direkt me realizimin e këtyre projekteve. Njëra ishte zgjerim i urës në qytetin e Malishevës dhe tjetra ishte, ndërtimi i rrugëve në Mleqan.
Fillimisht kryetari Begaj, ka vizituar urën në rrugën kryesore në qytetin e Malishevës, ku është bërë zgjerimi i urës, me trotuar, me qëllim të lëvizjes së lirë të këmbësorëve, projekt i cili është realizuar në kuadër të një bashkëpunimi mes Komunës së Malishevës dhe UNHABITAT-it. Përveç urës, në kuadër të projektit, është rregulluar edhe hapësira përgjatë lumit, me trotuar, muri mbrojtës nga lumi dhe ndriçim.
Më pas, kryetari Begaj, ka vizituar edhe fshatin Mleqan, ku kanë filluar punimet në ndërtimin e disa rrugëve në këtë fshat, e ku punimet po ecin mbarë. Aktualisht, në Mleqan, po bëhet zgjerimi i mjaftueshëm i rrugëve, të cilat do të përgatiten dhe më pas do të asfaltohen.
Kryetari Begaj, është ndarë i kënaqur me ecurinë e punimeve në këto projekte, përderisa ka thënë, se “brenda mundësive buxhetore të komunës, do të vazhdohet me realizimin e projekteve të cilat, lidhen me rritjen e mirëqenies së qytetarëve të Komunës së Malishevës”.
—