3.8 C
Prizren
E enjte, 1 Dhjetor, 2022

Biden premton sisteme të mbrojtjes ajrore për Ukrainën pas sulmeve

Presidenti amerikan, Joe Biden, i ka premtuar homologut të tij ukrainas, Volodymyr Zelensky, se Shtetet e Bashkuara do t’i ofrojnë vendit sisteme të avancuara ajrore pasi Rusia lëshoi raketa kundër qyteteve të shumta në Ukrainë, përfshirë kryeqytetin Kiev.

 

Biden e bëri këtë premtim në një telefonatë me Zelensky përpara një takimi urgjent të Grupit të Shtatë për të diskutuar mbështetjen për Ukrainën dhe mënyrën se si të mbajë Rusinë “përgjegjëse” për sulmet, të cilat vranë të paktën 14 persona, shkruan Aljazeera, transmeton Klankosova.tv.

“Presidenti Biden u zotua të vazhdojë t’i ofrojë Ukrainës mbështetjen e nevojshme për t’u mbrojtur, duke përfshirë sistemet e avancuara të mbrojtjes ajrore”, thuhet në një deklaratë të Shtëpisë së Bardhë.

Biden i tha gjithashtu Zelensky-t se ShBA-ja dhe aleatët dhe partnerët e saj do të vazhdojnë të imponojnë kosto ndaj Rusisë, “duke e mbajtur Rusinë përgjegjëse për krimet e saj të luftës dhe mizoritë e saj dhe duke i ofruar Ukrainës ndihmë sigurie, ekonomike dhe humanitare”, tha Shtëpia e Bardhë.

Më Shumë

Lajmet e Fundit