Fshati Nashec i Prizrenit, në vitin 2021 u pasurua me një hapësirë rekreative e gjelbëruese, duke plotësuar kështu kërkesën dhe dëshirën e banorëve të këtij fshati që të kthehet në një vend atraktiv e turistik, si për ta, ashtu edhe për vizitorë të jashtëm.
Megjithatë, vendpikniku që u përurua në fund të muajit gusht të vitit 2021 është dëmtuar rëndë nga persona të pandërgjegjshëm, ndërsa mirëmbajtja nga institucionet lënë shumë për të dëshiruar, thotë banori i Nashecit, Naser Krasniqi.
Ai thekson se gjendja e këtij vendpikniku është e keqe, pasi pushimet janë shkatërruar dhe këndi i lojërave për fëmijë është dëmtuar.
Për më tepër, lumi që kalon në këtë zonë është i ndotur si pasojë e derdhjes së ujërave të zeza. Mirëmbajtja nga institucionet, por edhe ndërgjegjësimi i qytetarëve, duhet të jenë prioritet për zgjidhjen e këtyre problemeve.
Organizatat dhe institucionet duhet të bashkëpunojnë për të siguruar që këto zona të ruhen dhe të jenë tërheqëse për vizitorët./ TV Prizreni
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
