ForumZFD dhe Alter Habitus nuk ndalojnë me projektet e tyre mbi të kaluarën dhe ballafaqimin me të kaluarën. Këtë herë dy organizatat bëjnë thirrje për aplikim në projektin “Memory Mapping Kosovo”, gjegjësisht në atelienë e radhës “Hapësirat e Shtetit: Nga Socializmi deri te Edukimi Paralel”.
Atelieja do të mbahet nga 21-24 dhjetor në Fakultetin Filofozik në kryeqytet, ndërsa në të do të ligjërojnë Nita Luci – PHD në Antropologji Kulturore, Linda Gusia nga Universiteti i Prishtinës dhe Hajrulla Çeku nga EC MA NDRYSHE.
Projekti në fjalë synon të sjellë dhe bashkojë grupe të ndryshme të studentëve me orientim shkencor social, shoqërinë civile dhe aktivistët e ndryshëm të cilët do të debatojnë e punojnë drejt praktikave të memories kolektive dhe memorializimit në Kosovë. Projekti synon të identifikojë dhe analizojë objektet e ndryshme të cilat lidhen me memorien në Kosovë, duke futur këtu narracionin historik i cili do të ndihmojë në konstruktimin e një debati produktiv mbi ballafaqimin me të kaluarën, transmeton KUltPlus.
Fokusi do të vihet mbi shkollat-shtëpi në vitet e 90`ta dhe për objektin “Vllaznim-Bashkim”, një lidhje e mirë mes politizimit të pasluftës të kësaj pjese të memories dhe memorializimit.
Për këtë atelie mund të aplikojnë: hulumtuesit, studentët e historisë, antropologjisë, sociologjisë, shkencave politike, letërsisë, dhe aktivistët e shoqërisë civile.
Në përgjithësi janë katër atelie gjatë këtij projekti. E para është mbajtur në mars ndërsa e dytë në mesin e qershorit, e treta tani në shtator dhe atelieja e katërt, gjegjësisht kjo e tanishmja për të cilët priten aplikimet për pjesëmarrës.
Për aplikim në këtë atelie duhet fdërguar një resume dy faqëshe në: [email protected] dhe [email protected] deri me 15 shtator.