“Miks ndjenjash dhe kujtimesh. Jam i emocionuar. Është edhe për jetën time një status i ri. Kam një vëlla tani. E ka edhe Rea. Jemi një familje më e madhe”.
Kështu është shprehur Greg Rama, djali i madh i Kryeministrit të Shqipërisë për ardhjen në jetë të vëllait të tij të vogël, transmeton Bluetooth.
Teksa ka folur për një të përditshme shqiptare pak pas lindjes së Zahos, Gregu i ka uruar vëllait të rritet i shëndetshëm.
Por duket se këto përjetime ndryshuan në ditët që pasuan; duket se Gregu e ndjeu në zemër dashurinë që priste të kishte për Zahon e vogël pasi e takoi dhe e mori në krahë. Lumturia e tij shihet qartazi edhe në këtë foto. E megjithëse fare i vogël, Zaho ia ka kthyer dashurinë vëllait të madh, duke ia shtrënguar Gregut gishtin me të dyja duart e vogla. Ardhja e Zahos në jetë i ka dhënë një tjetër pamje familjes Rama, tashmë për sytë e të gjithëve një familje e bukur dhe e lumtur.