Në emisionin sportiv “Favorit” në T7 mbrëmë u trajtuan tema të ndryshme, duke nisur nga finalja e Ligës së Kampionëve, barazhi për Superligë, Kombëtarja e Kosovës, Kombëtarja shqiptare dhe shumë e shumëçka.
Analisti i emisionit, Ismet Munishi e analizoi ndeshjen finale të Championsit, të cilën e fituan madrilenët.
Sipas tij, vendimtare në fitoren e madrilenëve ishin pritjet e portierit Thibaut Courtois, shkruan “Gazeta Express”.
Tutje, trajneri kosovar e përshëndeti edhe punën e bërë nga trajneri Carlo Ancelotti, i cili i ndërmori masat në pjesën e dytë pasi në atë të parë “Los Blancos” nuk ishin në nivelin e dëshiruar.
Munishi e çoi në qiell Real Madridin, duke i përmendur 15 trofe të fituar, si askush tjetër, ndërsa thotë se do të jetë e vështirë të mbërrihet kjo skuadër e trofeve.
Ai ka mbetur i mahnitur me karakterin e madrilenëve, të cilët, shtoi ai, fituan pa ndonjë ekip të madh, pa sulmues fantastik, ndërsa sipas tij ky klub është për t’u marrë shembull.
Për ta parë të plotë emisionin “Favorit” në Youtube mund të klikoni më poshtë. /Gazeta Express/
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
