22.8 C
Prizren
E martë, 16 Korrik, 2024

Ja cilit futbollist shqiptar i është trefishuar vlera

Mesfushori ofensivë i kombëtares së Maqedonisë, futbollisti shqiptar nga Shkupi, Enis Bardhi, sezonin e fundit e kaloi në LA Liga të Spanjës te skuadra e Levantes.Bardhi verën e kaluar u transferua nga skuadra hungareze Ujpest te Levante për 1.5 milionë euro, kurse sipas statistikave të fundit, vlera e 23 vjeçarit është trefishuar.

Enis Bardhi është në kreun e listës së skuadrës spanjolle Levante, ku janë rreshtuar futbollistët që kanë shënuar ngritje të vlerës së tyre monetare në tregun e futbollistëve brenda një sezoni.

Sipas Observatorit të Futbollit “CIES” , Bardhi vlerësohej në 4.1 milionë euro në fillim të sezonit në LA Liga, ndërsa aktualisht vlera e tij kap shifrat prej 12.1 milionë euro në Spanjë.

Mesfushori shqiptarë ka regjistruar 1.580 minuta për Levanten, në të cilat ka dërguar 19 gjuajtje , prej të cilave ka shënuar 9 gola dhe një asistim.

Enis Bardhi në sezonin e tij të parë te Levante kishte 26 paraqitje në LA Liga, prej të cilave 16 në formacioni startues dhe po ashtu, është paraqitur edhe në 4 ndeshje në Copa del Rey me Levanten.

Vlen të theksohet se Enis Bardhi ishte golashënues i dyfishtë në fitoren e Levantes ndaj Barcelonës 5-4, në xhiron e parafundit të LA Ligas, ku shënoi njërin prej golave më të bukur të sezonit në Spanjë.

Ndërkohë ekipi i Levantes ka shtuar çmimin e saj për 30 milionë euro , pas ardhjes së trajnerit Pako Lopez. Nën drejtimin e trajnerit të ri, Levante është skuadra e vetme në Spanjë, që i shkaktoi disfatën e vetme Barcelonës në sezonin e kaluar në La Liga. /Insporti.com

Më Shumë

Afrim Tejeci: Bizneset në Prizren presin funksionalizimin e ‘Parkut të Biznesit’

Kryetari i Odës së Prizrenit, Afrim Tejeci, thekson se bizneset janë në pritje të funksionalizimit të "Parkut të Biznesit" në këtë qytet. “Me anë të...

Osmani, mërgimtarëve: Jeni zemra dhe shpirti i Kosovës

Presidentja e Kosovës, Vjosa Osmani, përmes një videoje të postuar në rrjetet sociale ka disa pjesë të Kosovës, duke kërkuar nga mërgimtarët që të...

Lajmet e Fundit