Kuvendi i Komunës së Malishevës, në mbledhjen e mbajtur sot, vendosi për ndarjen e çmimeve tradicionale, të cilat sipas statutit të Komunës së Malishevës, jepen për trimëri e heroizëm, për kontribut në arsim dhe kontribut në shëndetësi, ndërsa çmimet mbajnë emrat e figurave të njohura nga Malisheva.
Për çmimin për trimëri dhe heroizëm “Imer Krasniqi”, anëtarët e Kuvendit të Komunës së Malishevës, ja ndanë veteranëve të luftës së Ushtrisë Çlirimtare të Kosovës, Selman Hoti nga Carralluka dhe Habib Zogaj nga Turjaka.
Çmimin për kontribut në fushën e arsimit “Hamdi Berisha”, KK vendosi ti nderoj mësuesin Qerim Krasniqi-post mortum nga Drenoci dhe profesorin Qemajl Morina nga Astrazupi.
Çmimin për kontribut në shëndetësi, KK i Malishevës e ndau për Sanije Deskun nga Malisheva dhe Milazim Kryeziu nga Bubaveci.
Ndarja solemne e çmimeve bëhet me 16 Qershor, me rastin e shënimit të Ditës së Çlirimit dhe Ditës së Dëshmorëve të Komunës së Malishevës. /PrizrenPress.com/